Fabjan Vukaj është lënë në burg për vrasjen e motrës së tij Diana Vukaj, ngjarje e ndodhur të dielën në mbrëmje. Në Gjykatën e Shkodrës, 55-vjeçari është braktisur nga familjarët e tij për shkak të ngjarjes së rëndë.
Një nga pistat e hetimit për ekzekutimin e 58-vjeçares, e cila kishte ardhur me pushime në Shkodër nga Gjermania, është konflikti për një shumë parash.
Burime nga grupi i hetimit, shprehen se gruaja ka dashur të shpenzojë 4 mijë euro për blerjen e disa mobilieve, të cilët autori i kërkoi për veten e tij.
Ai njihej një person që pinte alkool dhe luante bixhoz. Viktima kishte humbur kontaktet prej dy ditësh, një ditë pas kthimit të saj nga Gjermania.
Pas denoncimit nga një mikeshë e saj, policia ka mbërritur në banesën pranë shkollës “Ndoc Mazi” dhe ka gjetur të vdekur Diana Vukajn, ndërsa vëllai i saj është arrestuar menjëherë si autor i dyshuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
