Një shpërthim i fortë me eksploziv ka ndodhur rreth orës 2 e 35 minuta të së shtunës në një banesë në Lushnjë.
Një sasi e vogël e lëndës plasëse shpërtheu në katin e parë të një pallati pranë derës së banesës së shtetasit Besnik Çoku. Për pasojë ka pasur vetëm dëme materiale, por jo të persona të lënduar.
Shpërthim ka ka qenë i fuqishëm, duke shkatërruar plotësisht derën e jashtme të blinduar, por edhe derën e hyrjes së fqinjit. Nga shpërthimi, kanë pësuar dëme dhe katet e sipërme të pallatit.
Familjarët thanë se nuk kanë konflikte dhe se nuk dyshojnë se cilët mund të jenë autorët. Sipas tyre, ndoshta autorët e ngjarjes kanë gabuar shënjestër.
“Nuk dimë gjë, dëgjuam plasjen, kaq. Nuk dyshojmë te asnjë njeri. Nuk kemi probleme me asnjë”, – thanë ata. Ndërkohë policia njoftoi se po punon për zbardhjen e ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
