GjKKO ka vendosur të lirojë nga burgu ekspertin e mjekësisë Shkëlqim Korbi, duke ndryshuar masën e sigurisë në “arrest në shtëpi”. Mjeku kërkoi ndryshim të masës së sigurisë për shkak të problemeve shëndetësore.
Ai u arrestua së bashku me ish-gjyqtaren e Krujës, Enkelejda Hoxha dhe 8 persona të tjerë, pasi dyshohet se ishte i përfshirë në korrupsion.
Sipas dosjes së SPAK-ut, mjeku lëshoi një ekspertizë të rreme në mënyrë që të përfitonin lirinë e parakohshme me kusht të dënuarit Gentian Nezaj dhe Saimir Petani.
Ndërkohë të arrestuarit e tjerë në Gjykatën e Krujës të akuzuar për korrupsion dhe shpërdorim detyre, vazhdojnë që të jenë në qeli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
