Katër vite pasi fitoi lirinë me kusht nga Gjykata e Krujës, Gjykata e Apelit në Tiranë ka kërkuar rikthimin në burg të Genc Tafilit.
Në vitin 2017, ishte gjyqtarja Enkeleida Hoxha, e cila ndodhet në burg e akuzuar për korrupsion, ajo që vendosi lirimin e tij.
Genc Tafili u lirua me kusht nga Gjykata e Krujës, pasi kreu 17 vite burg. Ai, bashkë me vëllanë e tij Admir Tafili, u dënuan për vrasjen e komisarit të policisë Arben Zylyftari.
Genc Tafili kreu 17 vite burg nga 25 që u dënua. Edhe Admir Tafili është dënuar me burgim të përjetshëm. Në muajin mars të vitit 2011, ai vrau dy vëllezërit Nikolin dhe Gjovalin Pjetrushi, të cilët i kishin vrarë babanë më herët.
Ndërkohë gjyqtarja Enkelejda Hoxha u arrestua më 11 shkurt 2021, së bashku me një avokat dhe 8 persona të tjerë për akuzën e korrupsionit. Ajo akuzohet se ka liruar para kohe me kusht emra të njohur të botës së krimit në vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
