Dy persona janë vënë në pranga dhe dy të tjerë janë proceduar në gjendje të lirë, pasi në bashkëpunim me njëri-tjetrin, falsifikonin vulat dhe firmat e personelit mjekësor, duke plotësuar fiktivisht formularët që plotësohen për aplikimin ose rinovimin e lejeve të drejtimit.
Policia e Tiranës thotë se në pranga ka rënë Igli Katroshi, 51 vjeç dhe Albion Goxhaj, 32 vjeç, të dy banues në Tiranë, ndërsa janë proceduar D.F., 40 vjeç dhe u shpall në kërkim shtetasja O.D., 26 vjeçe.
Në cilësinë e provës materiale janë sekuestruar formularë të falsifikuar, kuponë jo tatimorë të prerë fiktivisht, mandate arkëtimi të falsifikuar dhe aparate celularë.
Tashmë hetimet do të vijojnë nga Prokuroria e Tiranës për veprat penale “Falsifikimi i vulave, i stampave ose i formularëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
