.png)
Organizata Botërore e Shëndetësisë po kërkon më shumë të dhëna për CoronaVac të kompanisë Sinovac Biotech Ltd për të vlerësuar nëse duhet të autorizohet vaksina e dytë kineze Covid-19, nën presion ndërkombëtar për të ndihmuar në shpërndarjen e më shumë vaksinave në vendet e varfra. Në javët e fundit, OBSH ka kërkuar më shumë detaje në lidhje me sigurinë e vaksinës dhe ka kërkuar të dhëna në lidhje me procesin e prodhimit të Sinovac për të vlerësuar nëse është në përputhje me standardet e OBSH. Një zyrtar i lartë i OBSH ka thënë se vendimi do të shtyhet deri në qershor. Miratimi i kësaj vaksine do të hapte më shumë rrugë që struktura e OBSH-së Covax, të ketë më shumë vaksina. Në muajt e fundit, drejtuesit e Covax kanë punuar për të përfunduar një marrëveshje për të blerë CoronaVac, duke kërkuar detaje mbi çmimet, oraret e dorëzimit dhe sasinë, megjithëse e kanë pasur të vështirë të marrin përgjigje të kënaqshme. Prodhuesit e vaksinave perëndimore si AstraZeneca PLC, Johnson & Johnson dhe Pfizer Inc. janë më të njohur me procesin e kualifikimit të agjencisë dhe vaksinat e tyre janë aprovuar për përdorim nga Covax. Në vitin 2017, OBSH miratoi një vaksinë të hepatitit A të zhvilluar nga Sinovac për përdorim global, por kompania ishte relativisht e vogël para pandemisë. Nuk dihet pse të gjitha të dhënat nuk kanë ardhur në kohën e duhur. Provat klinike dhe studimet në botën reale për CoronaVac po vazhdojnë. Në një studim kilian i thanë një komiteti këshillues të OBSH-së se ata ishin ende duke analizuar të dhënat e sigurisë. Në fillim të këtij muaji, OBSH renditi një tjetër vaksinë të prodhuar nga Kinezët, të zhvilluar nga një laborator i Pekinit i Sinopharm, me pronësi të shtetit, për përdorim urgjent, megjithëse normat e raportuara të efikasitetit të tij janë më të ulëta se ato të homologëve perëndimorë.
Burimi: The Wall Street Journal/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje