Një tërmet me madhësi 5.2 ballë të shkallës Rihter ka goditur Greqinë pak para mesnatës së të hënës.
Tërmeti u lokalizua në orën 23.31, por ai është ndjerë edhe në juglindje të Shqipërisë, duke shkaktuar lëkundje të forta të tokës në Korçë dhe zonat përreth.
Epiqendra e tij ishte vendosur në një distancë prej 19 kilometra në Perëndim të Kastoria (Kosturit), 100 km larg Elbasanit dhe 23 km nga Korça. Thellësia fokale e tërmetit u vlerësua në 5 km.
Tërmeti ka shkaktuar panik dhe frikë te qytetarët, që kanë dalë nga shtëpitë, por paraprakisht nuk raportohet për dëme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
