Elbasani tronditet sërish. Të shtënat me armë zjarri i morën jetën një personi mbrëmjen e kësaj të hëne, ndërsa bashkëshortja e tij mbeti e plagosur.
Ngjarja e rëndë ndodhi në lagjen “Skënderbej”.
Viktimë nga ky atentat ka mbetur Everes Çaka. Ai po udhëtonte me makinë së bashku me bashkëshorten e tij, Silvana Çaka kur persona të pa identifikuar hapën zjarr në drejtim të tyre. Kjo e fundit ka mbetur e plagosur.
Në vendin e ngjarjes ndodhen forca të shumta policore.
41-vjeçari që u ekzekutua njihej me dy emra
Everest Çaka, njihej edhe me emrin Ibrahim Çaka. Çifti Çaka mësohet se jetonin në Spanjë dhe sapo ishin kthyer në Elbasan.
Dyshimet e deritanishme janë se vrasja e Çakajt të ketë si motiv hakmarrjen, pasi 11 vite më parë ai ka qenë i dyshuar për vrasjen e Gëzim Alikaj. 41-vjeçari është kushëriri i Arjan Spahiut i ekzekutuar në Belgjikë në vitin 2020.
Sa i përket autorëve të atentatit të kësaj të marte, identiteti i tyre mbetet i panjohur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
