Komisioni i Ankimimeve dhe Sanksioneve pranë KQZ vendosi të kthejë për plotësim disa kërkesa ankimore të subjekteve zgjedhore për rezultatin e 25 prillit dhe kaloi për shqyrtim disa të tjera.
Kështu, pas verifikimeve, KAS vendosi kalim për shqyrtim të disa kërkesave ankimore me ankues LSI, PD dhe kandidatatët e propozuar nga zgjedhësit z. Iljaz Shehu, z. Boiken Abazi, z. Kreshnik Merxhani.
Shqyrtimi i këtyre ankimimeve do të fillojë nga dita e mërkurë në orën 09:30 të mëngjesit.
Gjithashtu, KAS ktheu për plotësim kërkesat ankimore të Tahsim Mehmetit, kandidat për deputet në Vlorë dhe Kostaq Papës nga ABEOK që kërkon shpalljen e pavlefshme të zgjedhjeve në qarkun e Tiranës.
KAS vendosi po ashtu të mos pranojë për shqyrtim kërkesën ankimore të kandidates së PD, Lediana Fratari për rinumërim të votave për kandidatët në Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
