Shumë çifte të reja hasin disa probleme sapo fillojnë jetën martesore. Disa çifte divorcohen pas 2 ose 3 vitesh pasi martohen, ndërsa të tjerë jetojnë për shumë vite ne lumturi. Dhe kjo nuk është vetëm një çështje e fatit, ka një koncept të thjeshtë që të gjithë çiftet e lumtura e kuptojnë: së bashku ju mund të përballoni të gjitha problemet në jetën tuaj familjare. “Bright Side” ka përpiluar një listë të problemeve të zakonshme që mund të hasin edhe çiftet më të lumtura. Dhe siç del, ato mund të zgjidhen lehtësisht!
Shtimi në peshë
Shumica e porsamartuarve fitojnë peshë të konsiderueshme pas martesës së tyre. Shkencëtarët nga Universiteti i Glasgout bënë kërkime dhe arritën në përfundimin se çiftet e reja të martuara fitojnë rreth 3-5 kg brenda vitit të parë të martesës së tyre. Në përgjithësi, njerëzit e martuar peshojnë 13 kg më shumë se ata që janë të vetëm. Shumë shpesh, shtimi i peshës është i lidhur me gjendjen e rehatisë psikologjike sepse partnerët janë të sigurt me njëri-tjetrin dhe prandaj, le të pushojnë pak.
Çfarë duhet të bëni?
Mënyra më e mirë për t’u kthyer në formë është të ngisni biçikletën, të ecni mbrëmjeve së bashku me partnerin, të bëni aktivitete sportive, t’i hidhni një sy vakteve tuaja.
Konfliktet me vjehrrën
Shpeshherë marrëdhëniet në mes vjehrrës dhe nuses ose dhëndrit dhe vjehrrës janë të tensionuara. Psikologët thonë se marrëdhëniet e tilla mund të jenë mjaft dramatike dhe mund të dëmtojnë gjendjen shëndetësore të dyja palëve. Tensioni më i madh është mes vjehrrave dhe nuseve. Hulumtimet e mbajtura në vitin 1954 treguan se 2/3 vjehrrave nuk ishin të kënaqur me nusen e djalit të tyre, ndërsa nuset kishin një qëndrim negativ ndaj nënave të burrave të tyre. Shkencëtarët japonezë kanë zbuluar se nuset që jetojnë me vjehrrat e tyre kanë më shumë gjasa të përjetojnë sëmundjet e zemrës .
Çfarë duhet të bëni?
Mënyra më e mirë për të shmangur konfliktet me vjehrrën tuaj është të jetoni veçmas. Ndoshta fillimi i jetesës në mënyrë të pavarur mund të jetë financiarisht më e vështirë, por ia vlen. Sidoqoftë, nëse nuk keni mundësi të jetoni veçmas, më mirë t’i përdorni aftësitë tuaja diplomatike dhe t’i shpjegoni burrit tuaj se sa stres merrni nga debatet me nënën e tij.
Ju shpenzoni para në mënyra të ndryshme.
Sipas statistikave, një nga arsyet e para për një divorc janë konflikte mbi paratë. Pas martesës, financat tuaja personale bëhen të bashkuara dhe kjo i vështirëson gjërat, sidomos nëse një nga bashkëshortët fiton më shumë se tjetri. Për fat të keq, për shkak të bujarisë “imagjinare”, çiftet priren të mos flasin për financat.
Çfarë duhet të bëni?
Pranoni gjërat siç janë. Kujtoni se partneri juaj ka zakone pozitive dhe negative, dhe janë këto gjëra që e bëjnë një person unik. Në fund të fundit, ju u dashuroheni me këtë person pjesërisht për shkak të këtyre zakoneve. Nëse shpesh mërziteni me gjëra të vogla, filloni të kaloni kohë duke u marrë me gjëra të tjera dhe kaloni më shumë kohë me miqtë tuaj.
Harroni datat e rëndësishme
Fakti që partneri nuk mund të mbajë mend datat tuaja të rëndësishme, kjo mund t’ju trishtojë disi, dhe shpesh herë kjo mund të perceptohet edhe si fyerje personale. Si mund të harrojë burri juaj ditën e martesës tuaj, ditëlindjen, apo ditën e puthjes tuaj të parë. Kujtoni gjithmonë! Njerëzit e përsosur harrojnë gjëra të rëndësishme, kjo mund të jetë për shkak të mbingarkesës së punës. Gjithashtu mund të jetë sepse ato data nuk janë aq të rëndësishme për bashkëshortin tuaj, sepse gjëja më e rëndësishme në jetën e tyre është marrëdhënia juaj dhe jo shenjat në kalendar.
Çfarë duhet të bëni?
Mos harroni t’ia kujtoni partnerit tuaj datat dhe ngjarjet e rëndësishme në jetën e familjes suaj. Kjo do t’ju ndihmojë të shmangni zhgënjimin.
Je mërzitur
Viti i parë i martesës nuk duket gjithmonë si një muaj magjik mjalti Herët a vonë, pavarësisht pritshmërive, numri i luleve, i mbrëmjeve romantike dhe bisedave flirtuese fillon të ulet, duke i lënë partnerët me një rutinë të mërzitshme. Ky zhgënjim mund të shpjegohet me mungesën e përvojës së jetës. Megjithatë, shumica e çifteve arrijnë të përballen me ndryshime të tilla në marrëdhëniet e tyre.
Çfarë duhet të bëni?
Prioritetet e njerëzve të martuar ndryshojnë nga koha kur jeni në lidhje, tani keni një familje të përbashkët, një hipotekë dhe ndoshta fëmijë. Për shkak të të gjitha këtyre gjërave, bashkëshortët duhet të diskutojnë duke shkuar në një datë romantike ose duke organizuar gjëra të ndryshme. Psikologët pohojnë se nuk ka asgjë të pazakontë, jeta familjare ka të bëjë me shpërndarjen e detyrave. Planifikoni mbrëmje romantike, shkoni në kinema, apo bëni ndonjë udhëtim. Këto gjëra do të mbajnë shkëndijën në marrëdhënien tuaj.
Ju jeni së bashku 7 ditët e javës
Ekziston një mendim se bashkëshortët duhet të kalojnë të gjithë kohën e lirë së bashku, sepse e forcon marrëdhënien dhe kontribuon në formimin e interesave të përbashkëta. Megjithatë, disa çifte janë irrituar pasi kanë jetuar këtë lloj jete për disa vjet.
Çfarë duhet të bëni?
Të dy partnerët duhet të kenë pasionet të tyre që nuk janë interesante për palën tjetër. Nuk ka asgjë të keqe nëse kaloni fundjavën tuaj veçmas, vetëm kontribuon në forcimin e marrëdhënies.
Keni regjime të ndryshme të gjumit.
Në vitet ’70, shkencëtarët mësuan rreth riteve rrethanore dhe gjetën se të ashtuquajturat larks që zgjohen herët në mëngjes, aktive dhe plot energji. Anasjelltas, ka pasur edhe bufta që ishin më aktivë në mbrëmje. Çka nëse përfaqësuesit e këtyre dy grupeve vendosin të krijojnë një familje? Ky bashkim mund të shkaktojë disa vështirësi dhe mund të jetë edhe e keqe për shëndetin e dikujt.
Çfarë duhet të bëni?
Ritmet e ndryshme biologjike nuk pengojnë martesën e lumtur në asnjë mënyrë, për aq kohë sa të dy partnerët mund të arrijnë të gjejnë një kompromis. Për shembull, ndërsa bashkëshorti juaj është duke fjetur, mund të bëni shumë detyra që do të jenë të dobishme për familjen.
Detyrat e shtëpisë janë të shpërndara në mënyrë të pabarabartë.
Përkundër jetesës në shekullin 21, stereotipet rreth ndarjes së punëve sipas gjinisë janë ende prezente në shumë familje , gruaja duhet të bëjë punët e shtëpisë edhe nëse punon gjatë gjithë ditës, ndërsa buri duhet të sjellë në shtëpi ushqimet. Ndarje të tilla mund të çojnë në fyerje dhe konfrontime.
Çfarë duhet të bëni?
Diskutoni rreth ndarjes së punëve shtëpiake para martesës. Dhe natyrisht, përpiquni të merrni më të mirën nga epoka e progresit shkencor dhe teknik që jetoni. Blini pajisjet që ju lehtësojnë punët e shtëpisë. Shmangni debatet e pagesës së faturave. Stereotipet e vjetra tashmë kanë filluar të zhduken, gratë mund të menaxhojnë korporatat e mëdha, ndërkohë që burrat shpesh marrin lejen e atësisë për të qëndruar në shtëpi me fëmijët e tyre.
Ju keni filluar të debatoni për gjëra të vogla.
Psikologët pohojnë se kriza ndodh në çdo martesë, ato ndodhin kur pakënaqësia e partnerëve arrin kulmin e saj. Megjithatë, ka edhe përparësi në krizë, ato ju japin një shans për të rifreskuar marrëdhënien dhe për ta zhvendosur atë në një nivel të ri. A është partneri juaj tip impulsiv dhe euforik, që zemërohet në çdo debat dhe shtëpia juaj shndërrohet në një fushë beteje. Ndoshta problemi jeni vetë ju. Diçka nuk shkon me sjelljen tuaj.
Çfarë duhet të bëni?
Mos u mundoni të ndryshoni partnerin tuaj, përpjekje të tilla vetëm të çojnë në rritje të indinjatës. Në vend të kësaj, mëso të dëgjosh mendimin e tij/saj . Për fat të keq, njerëzit e afërt me njëri-tjetrin mund të lëndojnë njëri-tjetrin më shumë sepse e njohin ndjeshmërinë e tij/saj. Kjo është arsyeja pse durimi dhe respekti ndaj ndjenjave të partnerit tuaj janë gjërat që do ta nxjerrin martesën tuaj nga kriza.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
