Kryeministri Edi Rama këmbëngul se pas plagosjes së ndodhur mbrëmjen e së hënës në një zyrë elektorale të Partisë Demokratike në Kavajë nuk qëndron asnjë motiv politik.
Rama thotë se autori i ngjarjes jo vetëm që nuk ka asnjë lidhje me Partinë Socialiste, por është edhe militant i Partisë Demokratike.
Vetë Partinë Demokratike nuk e fajëson për ngjarjen, por për politizimin e saj.
“Është krejt e qartë që ngjarja e Kavajës s’ka asnjë motiv politik! Autori s’ka asnjë lidhje me PS, përkundrazi është militant i PD! PD s’ka faj për ngjarjen po për politizimin skandaloz!”, shkruan Rama.
Kryeministri fton sërish Bashën që të shkëputet nga Sali Berisha dhe Ilir Meta.
“Lulëzim bëhu burrë, ndahu nga Iliri e Saliu, boll bëre kukullën e të paudhëve pa din e iman!”, mbyll reagimin e tij kreu i Qeverisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
