Një grabitje me armë zjarri ka ndodhur mëngjesin e të hënës në një pikë karburanti në vendin e quajtur Ura e Gjolës në Arrameras, Fushë Krujë.
Tre persona, të cilët dyshohet se janë kushërinj me njëri tjetrin, janë futur në pikën e karburantit të maskuar, kanë marrë paratë dhe më pas janë larguar.
Ndërkohë që policia në kuadër të operacionit të koduar “Gjola”, thotë se ka arrestuar dy autorët e dyshuar dhe ka shpallur në kërkim bashkëpunëtorin e tyre.
Në pranga janë vënë, Skënder Çangu 30 vjeç, banues në Nikël dhe Z.Ç., 17 vjeç, banues në fshatin Verjon.
Po ashtu, u shpall në kërkim, A.Ç., 17 vjeç, edhe ky banues në fshatin Verjon.
Gjatë aksionit policor, u sekuestruan në cilësinë e provës materiale një armë zjarri pushkë, automjeti dhe veshjet e përdorura nga autorët gjatë grabitjes.
Materialet i kaluan Prokurorisë Krujë për veprat penale “Vjedhja me armë” kryer në bashkëpunim dhe “Armëmbajtja pa leje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
