.png)
“Ri-infeksionet” nga Covid 19 janë “mjaft të rralla”, për pesë deri në shtatë muaj dhe “treguesit e parë”, janë, “që rreziku i transmetimit duket të ulet tek ata që janë vaksinuar”.
Qendra Europiane për Parandalimin dhe Kontrollin e Sëmundjeve (ECDC), shkruan në një komunikatë, ku përmbledh raportin teknik mbi rrezikun e transmetimit të virusit nga individë të infektuar së fundmi, me infeksion ose vaksinim të mëparshëm të dokumentuar.
Sipas ECDC, provat shkencore të mbledhura deri më sot, tregojnë se ri-infektimet janë të rralla.
Disa studime, kanë ndjekur njerëzit për 5-7 muaj, pasi janë rikuperuar nga një infeksion Covid-19 dhe vlerësojnë që efekti mbrojtës i infeksionit të mëparshëm, të jetë ndërmjet 80 dhe 100%.
Dëshmitë e ndikimit të vaksinimit në rrezikun e transmetimit, janë në dispozicion vetëm nga një studim, shpjegon ECDC, por ka gjithashtu prova të një ngarkese më të ulët virale tek individët e vaksinuar, sesa tek individët e pa vaksinuar, “që mund të rezultojë në një transmetim më të ulët”.
Megjithatë, duhet të theksohet, paralajmëron ECDC, se “shumica e këtij studimi, u krye para shfaqjes së varianteve shqetësuese”, të koronavirusit të ri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje