Gjykata e Korçës ka dhënë masën e sigurisë “arrest në burg” për 20-vjeçarin Klavio Karuni, i arrestuar për abuzim seksual me një 43-vjeçare me probleme mendore.
Ngjarja ka ndodhur më 26 mars në fshatin Miras të Devollit.
I dyshuari, është vënë në pranga, pas vizitës mjekësore të gruas në spitalin e Bilishtit, ku rezultoi se ishte 6-muajshe shtatzënë.
Pas dyshimeve të policisë, ajo ka deklaruar se Karuni kishte abuzuar seksualisht me të.
Paraprakisht, mësohet se autori i dyshuar ka pranuar se ka kryer marrëdhënie me 43-vjeçaren, ndërkohë që pritet të kryhet analiza e ADN për atësinë e fëmijës.
Pas kërkesës së Prokurorisë së Korçës, ndaj tij është dhënë masa e sigurisë “arrest në burg” nga gjykata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
