Ndryshimet ishin paralajmëruar nga trajneri Edi Reja për ndeshjen me Anglinë, por askush nuk e priste që Hysen Memolla të ishte titullar. Tashmë është publikuar formacioni zyrtar dhe lojtari që aktivizohet në kampionatin hungarez e nis nga minuta e parë këtë sfidë.
Memolla do të pozicionohet në mesfushë. Ashtu siç pritej, Memushaj është ulur në stol për t’i lënë vendin Laçit, por në stol qëndron edhe Gjasula. Risia tjetër e trajnerit Reja është aktivizimi i Uzunit titullar.
Beratasi do të ndihmojë Cikalleshin dhe Brojën në sulm, por edhe repartin e mesfushës, duke qenë se është një lojtar i freskët fizikisht. Në mbrojtje konfirmohet Veseli në vend të Kumbullës së dëmtuar. Anglezët në këtë ndeshje udhëhiqen nga kapiteni Herri Kejn dhe sulmuesi i Mançester Sitit, Rahim Sterling.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
