Një arsimtare nga Mirdita, ka humbur jetën si pasojë e Covid 19.
Manjola Nikolli, 41 vjeçe, e ka humbur betejën me sëmundjen e rrezikshme, duke mos arritur ta mposhtë atë.
Mësuesja, ishte nënë e dy fëmijëve, një djali dhe një vajze dhe mësohet se ajo ka humbur jetën gjatë natës, e shtruar prej ditësh në një nga spitalet Covid në Tiranë.
Miq të shumtë, familjarë dhe arsimtarë, kanë shprehur ngushëllimet e tyre për 41-vjeçaren në rrjetet sociale.
Ndërkohë që bluzat e bardha, artistët dhe arsimtarët vazhdojnë të humbin jetën nga Covid 19, në bilancin e 24 orëve të fundit, Ministria e Shëndetësisë raportoi për 4 viktima dhe 659 raste të reja me koronavirus.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
