Një grua, e cila dyshohet se vuan nga probleme të shëndetit mendor, ka mbajtur për disa ditë në banesë burrin e saj të vdekur.
Ngjarja ka ndodhur në Vlorë, por nuk është konfirmuar ende nga policia.
Burime bëjnë me dije se shtetësja, V.P., nuk kishte njoftuar për vdekjen e të shoqit, Ll.P,.
Kanë qenë banorët e lagjes, të cilëve i ka rënë në sy mungesa e tij, pasi nuk e kanë parë për disa ditë me radhë jashtë banesës.
Ata kanë njoftuar policinë, e cila ka thyer derën dhe ka gjetur të pajetë kryefamiljarin, i cili dyshohet se ka disa ditë që ka ndërruar jetë.
Nuk dihen ende shkaqet e vdekjes së tij, ndërkohë Policia e Vlorës ka nisur hetimet për të zbardhur rrethanat e ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
