Një aksident tragjik ka ndodhur mbrëmjen e së mërkurës, në aksin rrugor Lezhë-Shkodër.
Sipas policisë, një automjet tip “Benz” është përplasur me një kamion, duke përfunduar në pjesën e poshtme të tij.
Mësohet se viktimë ka mbetur Eduart Grishaj, 55 vjeç, banues në Shkodër. Ai ishte studiues dhe përgjegjës i fondit “Pipa” në Bibliotekën e Muzeut Historik, Shkodër.
Forcat zjarrfikëse dhe policisë, i janë dashur më shumë se një orë për të bërë të mundur largimin e automjetit, i cili kishte mbetur poshtë kamionit pas përplasjes së fortë.
Drejtuesi i kamionit T.M., është shoqëruar në Komisariatin e Policisë në Lezhë për veprime të mëtejshme.
“Rreth orës 20:00, në aksin rrugor Lezhë-Shkodër, në vendin e quajtur “Kryqëzimi i Dajçit “, mjeti tip “Benz” është përplasur me mjetin kamion, ku për pasojë ka ndërruar jetë në vend drejtuesi i mjetit tip “Benz” ende i paidentifikuar“, njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
