Një 33-vjeçare nga Shqipëria është vrarë dje në Bruksel të Belgjikës.
Sipas mediave belge, ngjarja ka ndodhur në një hotel, aty ku dhe Xhuljeta Lala, e cila punonte si sanitare, është goditur për vdekje.
Mësohet se autor i dyshuar, është një shtetas nga Franca, i cili ishte arratisur nga një institucion psikiatrik i Marsejës drejt kryeqytetit belg.
Mediat lokale raportojnë se i dyshuari po ecte i zhveshur në korridor, rrëmbeu një bombulë për fikjen e zjarrit, hyri në dhomën ku ndodhej Xhuljeta dhe e goditi për vdekje.
Kur mbërriti policia, autori ishte akoma i zhveshur dhe po qëndronte pranë viktimës dhe i kishte kryqëzuar kyçet e duarve.
Vajza, me origjinë nga Lushnja, ka humbur jetën menjëherë, ndërkohë që një anëtar i stafit ka denoncuar ngjarjen.
Policia ka arrestuar autorin e dyshuar dhe ka nisur hetimet për zbardhjen e vrasjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
