Sulmuesi i Kombëtares, Armando Broja, ka pësuar sot një dëmtim, që mund të vërë në rrezik grumbullimin e tij për ndeshjet kualifikuerse të Botërorit, që luhen në fund të këtij muaji. Futbollisti kuqezi la fushën duke çaluar dhe ky është një lajm i keq për trajnerin Edi Reja, i cili po përgatit listën.
Megjithatë, duhen pritur ekzaminimet për të mësuar shkallën e dëmtimit për sulmuesin e ri dhe kohën e rikuperimit. Broja luajti nga minuta e parë në transfertën e Viteshes me Utrehtin, ku skuadra e tij fitoi 1-3. Ai u zëvendësua në minutën e 71-të për shkak të dëmtiumit që erdhi nga një përplasje me një mbrojtës kundërshtar.
Armando Broja sorti sur blessure à la 72' lors du match #UtrVit. Espérons que cela ne soit pas une blessure grave à quelques jours de la liste de Reja. pic.twitter.com/FRctBfcIau
— Football Albanais (@FutbolliShqipFR) March 14, 2021
Broja qëndroi i shtrirë në fushë për pak minuta, duke ulëritur nga dhimbjet. U desh ndërhyrja e stafit mjekësor të Viteshes që ai të ngrihej dhe të shkonte drejt stolit duke çaluar. Sulmuesi i Kombëtares mori një goditje nga pas, që nga përsëritja u kuptua se ishte mjaft e fortë.
Futbollisti 19-vjeçar po kalonte një moment shumë të mirë dhe nëse dëmtimi rezulton serioz, do të ishte vërtet një mungesë e madhe për Kombëtaren në ndeshjet e para eliminatore të Katar 2022.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
