Policia e Shtetit ka gjobitur gjatë 24 orëve të fundit, 2986 qytetarë, pasi nuk respektuan masat anti-COVID, ku 2958 prej tyre për mosvendosjen e maskës mbrojtëse.
Po ashtu në njoftim thuhet se janë gjobitur 530 drejtues mjetesh, të cilët udhëtonin pa leje pas orës 20:00.
Ndëshkimit të policisë nuk i kanë shpëtuar as katër subjekte, 1 në Tiranë, 2 në Elbasan dhe 1 në Sarandë.
Këto subjekte u gjobitën pasi ushtronin aktivitetin e tyre pas orës 20:00.
Gjithashtu, në të gjithë vendin janë ndëshkuar me gjobë 10.000 lekë, 24 qytetarë që janë konstatuar duke lëvizur në këmbë pas orës 20:00.
Ndër të tjera, Policia e Shtetit apelon që të gjithë qytetarët dhe drejtuesit e mjeteve të respektojnë orën policore, të vendosin maskën dhe të ruajnë distancimin social.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
