.png)
Shënohet viktima më e re nga koronavirusi në Shqipëri.
Bëhet fjalë për një 17-vjeçar, i cili ka humbur jetën në spitalin “Shefqet Ndroqi”.
Mësohet se adoleshenti ishte i shtruar prej një jave te spitali Covid-2.
Gjendja shëndetësore e 17-vjeçarit ka qenë shumë e rënduar, me 100% të mushkërisë të prekur nga koronavirusi. 17-vjeçari ishte përkeqësuar më tej në 24 orët e fundit, ku fatkeqësisht ka ndërruar jetë.
Adoleshenti ishte i shtruar te Covid-2 së bashku me dy prindërit e tij, ku nëna ka dalë, ndërsa babai vijon të jetë i shtruar në gjendje të rëndë shëndetësore.
Ndërkohë edhe në Elbasan, një 28-vjecare shtatzënë ka ndërruar jetë nga COVID.
Mësohet se mjekët ia kanë dalë që të sjellin në jetë fëmijën me ndërhyrje Çezariane në muajin e shtatë, por pa mundur të shpëtojnë nënën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
