Gjykata e Posaçme Kundër Korrupsionit dhe Krimit të organizuar liroi nga qelia Florian Ahmetajn, ish-shefin e logjistikës së burgut 313, i akuzuar për “korrupsion”.
Më herët, Gjykata liroi nga burgu edhe ish-drejtorin e burgut, Eduart Struga dhe biznesmenin Ervin Kurtulla.
Muajin e kaluar, SPAK përfundoi hetimet për këtë çështje dhe të tre personat akuzohen se i kanë kërkuar dhe marrë 457 mijë lekë ryshfet sipërmarrësit të kafeve me makineta, Ilirjan Paço në këmbim të një kontrate qiraje për të ushtruar aktivitetin në mjediset e paraburgimit.
Në fillim të vitit të kaluar dy zyrtarët i kanë kërkuar Paços 100 mijë lekë, para të cilat ai ia ka dhënë Ervin Kurtullës dhe ky i fundit Ahmetajt dhe Strugajt.
Dy zyrtarët në fjalë dhe personi i përfshirë në korrupsion po gjykohen për “korrupsion”, “shpërdorim detyre” dhe “shkelje e barazisë në pjesëmarrjen në tenderë apo ankande publike”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
