I akuzuari për vrasjen e komisarit Dritan Lamaj, Arben Frroku, i është drejtuar sot (e enjte) me një kërkesë Gjykatës së Posaçme.
Arben Frroku i kërkon GJKKO-së t’i llogarisë edhe kohën e paraburgimit, që ka qëndruar në Greqi, kur u kap në vitin 2013.
Kërkesa e Frrokut po shqyrtohet nga gjyqtari Klodian Kurushi.
Frroku është dënuar nga ish-Apeli i Krimeve të Rënda me burgim të përjetshëm, por ky dënim iu konvertua me 18 vite burg në Holandë.
Shteti holandez ka refuzuar kërkesën për ekstradimin e Arben Frrokut drejt Shqipërisë.
Ish-shefi i komisariatit numër 6 në kryeqytet, Dritan Lamaj u ekzekutua në zonën e “Vasil Shantos” në Tiranë nw vitin 2013, ku dy persona i kanë bërë pritë kryekomisar Lamajt.
Ai ka qenë dukë udhëtuar në mjetit e tij dhe po shkonte drejt shtëpisë dhe në momentin që ka zbritur nga makina është qëlluar me breshëri kallashnikovi.
Autori ishte Arben Frroku, vëllai i ish-deputetit Mark Frroku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
