Mediat italiane rikthejnë sërish vëmendjen tek zhdukja e sipërmarrësit italian, Davide Pecorelli, i cili ka humbur kontaktet me familjen që prej fillimit të janarit.
Pasi ekspertët italianë mbërritën në Gjegjan të Pukës, në vendin ku u dogj mjeti me qira i biznesmenit Davide Pecorelli, po hetohet dhe për pistën e vetëvrasjes.
Hetuesit italianë kanë kontrolluar në vendin ku u gjet makina që ish-arbitri kishte marrë me qira, madje dhe vetë mjetin e djegur.
Po ashtu nuk përjashtohet mundësia e grabitjes me pasojë vdekje.
Biznesmeni Davide Pecorelli rezulton i humbur që prej datës 7 janar. Ai mbërriti në Tiranë ditët e para të vitit. Në aeroport, ai mori me qira një makinë Skoda Fabia, që u gjet më 7 janar e shkrumbuar përgjatë rrugës Gjegjan-Reps në Pukë. Shkaqet e zjarrit nuk dihen ende.
Sipas medias italiane “La Nazione”, nga ky moment nisën menjëherë kërkimet për Pecorelli-n, ndërsa ambasada shqiptare në Tiranë njoftoi të afërmit e tij dhe autoritetet policore.
“Gjatë këtyre ditëve, në Tiranë janë sjellë edhe objekte të tjera në pronësi të sipërmarrësit, për të krahasuar ADN-në e tij, ndonëse nuk është ende e qartë nëse makinë janë gjetur pjesë njeriu”, do të shkruante media italiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
