Një zjarr i përmasave të mëdha ka djegur 2 hektarë pisha dhe shkurre në pyllin e Semanit në Fier.
Mësohet se flakët e zjarrit janë në një zonë të pyllëzuar dhe nuk ka rrezik për banesat.
Pylli i Semanit është i përbërë kryesisht nga drurë pishe dhe shkurre të shumta, ndërsa zona është e frekuentuar edhe nga turistë të shumtë që vizitojnë plazhin e zonës.
Drejt vendit ku ka rënë zjarri aktualisht janë nisur katër zjarrfikëse, të cilat po përpiqen të vënë nën kontroll flakët.
Në vendngjarje ka mbërritur edhe prefekti i qarkut Fier, Vasil Bregu, i cili u ka bërë thirrje qytetarëve të tregohen të kujdesshëm si dhe ka kërkuar përforcime për shuarjen e flakëve.
Grupi hetimor po punon për të zbuluar shkaqet e zjarrit, por nuk përjashtohet mundësia që zjarrvënia të ketë qenë e qëllimshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.