Një tjetër artist humb jetën nga Covid-19. Piktori dhe restauratori Mustafa Arapi nuk ka arritur ta fitojë betejën me COVID-19, duke ndërruar jetë në moshën 70-vjeçare. Ai ishte shtruar prej ditësh në spital.
Lajmin e ka bërë me dije vajza e saj, Dorina e Arapi e cila zbulon se piktori ka vdekur në mesnatë dhe lë dhe një mesazh prekës për babain e saj të ndjerë.
Disa ditë më parë ajo zbuloi se Mustafa Arapi ishte shtruar tek spitali COVID-2 dhe i bëri thirrje kryeministrit Edi Rama dhe ministres Manastirliu që institucionet t’i kushtonin vëmendje babai të saj si një personalitet i lartë në kulturën shqiptare.
I lindur dhe rritur në Tiranë, Mustafa Arapi u diplomua në Universitetin e Arteve (Akademia e Arteve) në degën e Pikturës në vitin 1979.
Pas studimeve, Mustafa Arapi ka punuar si restaurues i veprave të artit bizantin në Institutin e Monumenteve të Kulturës.
Për disa vite ka qenë pedagog në Akademinw e Arteve. E më tej, 1993-2006 ka qenë shef i Departamentit të Punëve në Institutin e Monumenteve të Kulturës.
Gjatë kësaj periudhe, më shumë se 40 vite ka restauruar Onufrët, Qipërjotët, Zografët, kisha afreske, ikona, banesa tradicionale etj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
