.png)
Një ekip i Organizatës Botërore të Shëndetësisë (OBSH) ka mbërritur në qytetin kinez të Wuhan për të filluar hetimin e saj mbi origjinën e pandemisë Covid-19. Hetimi i shumëpritur vjen pas disa muajsh negociatash midis OBSH dhe Pekinit. Një grup prej 10 shkencëtarësh është vendosur të intervistojë njerëz nga institutet kërkimore, spitalet dhe tregu i prodhimeve të detit i cili është cilësuar prej kohësh si pikënisja e pandemisë. Covid-19 u zbulua për herë të parë në Wuhan në Kinën qendrore në fund të vitit 2019. Ardhja e ekipit të enjten në mëngjes përkon me një ringjallje të rasteve të reja të koronavirusit në veri të vendit, ndërsa jeta në Wuhan është kthyer përsëri në normalitet. Ata do t’i nënshtrohen dy javë karantine përpara se të fillojnë kërkimet e tyre, të cilat do të mbështeten në mostrat dhe provat e siguruara nga zyrtarët kinezë. Udhëheqësi i ekipit Peter Ben Embarek i tha agjencisë së lajmeve AFP pak para udhëtimit se “mund të jetë një udhëtim shumë i gjatë para se të marrim një kuptim të plotë të asaj që ndodhi”.
“Unë nuk mendoj se do të kemi përgjigje të qarta pas këtij misioni fillestar, por do të kemi një ide,” tha ai.
Në fillim të këtij muaji OBSH tha se hetuesve të saj u ishte mohuar hyrja në Kinë pasi një anëtar i ekipit u kthye mbrapa dhe një tjetër u bllokua në tranzit. Por Pekini tha se ishte një keqkuptim dhe se marrëveshjet për hetimin ishin ende në diskutim. Kina ka thënë për muaj të tërë se megjithëse Wuhan është vendi ku u zbulua grumbulli i parë i rasteve, nuk është domosdoshmërish vendi ku filloi virusi. Dale Fisher, kryetari i njësisë globale të shpërthimit dhe reagimit në OBSH, tha se ai shpresonte që bota ta konsideronte këtë një vizitë shkencore.
“Nuk ka të bëjë me politikë ose faj, por për të pasur një përgjigje shkencore,” tha ai.
Fisher shtoi se shumica e shkencëtarëve besonin se virusi ishte një “ngjarje natyrore”. Vizita vjen ndërsa Kina raporton fatalitetin e saj të parë nga Covid-19 në tetë muaj. Vendi e ka vendosur virusin kryesisht nën kontroll përmes testimit të shpejtë në masë, bllokimeve të rrepta dhe kufizimeve të ngushta të udhëtimit. Por raste të reja janë rishfaqur javët e fundit, kryesisht në provincën Hebei përreth Pekinit dhe provincën Heilongjiang në verilindje.
Ndërkohë çfarë po ndodh me vaksinën rreth botës?
Udhëheqësit politikë në të gjithë botën po premtojnë që fushatat masive të vaksinimit do të ndikojnë që jeta të kthehet në normalitet. Por vaksinimet janë më të ngadalta se sa janë premtuar, duke ngritur dyshime për një rrugëdalje të afërt nga kriza. Do të duhet vaksinimi i rreth 70-90% e 7.8 miliardë njerëzve në botë që të arrijnë imunitet të tufës, i cili premton që njerëzit të kthehen në jetën normale. Shumica e vaksinave kërkojnë dy doza për person, që do të thotë shpërndarje afërsisht 10 deri në 14 miliardë doza vaksine .
Studiuesit në Qendrën e Inovacionit të Shëndetit Duke Global, kanë vlerësuar se njerëzit e fundit në radhë që mund të marrin vaksinën do të jenë deri në fund të vitit 2024. Problemet janë gati universale. Vetëm disa javë pasi Mbretëria e Bashkuar u bë kombi i parë në botë që filloi vaksinimin e qytetarëve të saj me një goditje plotësisht të verifikuar dhe të autorizuar ndaj Covid-19, qeveria e saj po përballet me pyetje se sa doza janë në dispozicion. Franca ka qenë nën kritika për ritmin e saj të ngadaltë, pasi janë vaksinuar vetëm 516 njerëz në javën e parë të programit. Në Kanada, Kryeministri Justin Trudeau ka pranuar edhe se është i irrituar kur sheh vaksinat në ngrirje dhe jo tek injektohen në krahët e njerëzve. Zyrtarët federalë në SHBA kanë qenë duke luftuar për të shpjeguar pse vetëm 6.7 milion njerëz janë vaksinuar, kur janë shpërndarë tre herë më shumë doza e ata kishin premtuar se 20 milion njerëz do të ishin vaksinuar deri në fund të vitit 2020. Disa gjëra mund të shkojnë keq në zinxhirin kompleks nga prodhimi tek shishja, shpërndarja dhe administrimi tek pacientët. Vështirësi tjetër kanë qenë nevojat e komplikuara të magazinimit dhe transportit të vaksinave sisteme të cilave u është dashur të konfigurohen nga e para. Duke u ndeshur me një ritëm më të ngadaltë se sa pritej, zyrtarët po nxitojnë për të gjetur zgjedhje për kërkesën masive, madje duke ulur dozat e kërkuara për të përballuar furnizimet .
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje