ARRSH ka lajmëruar përmirësim të gjendjes së akseve rrugore në të gjithë Shqipërinë.
Sipas njoftimit të ARRSH-së, reshjet tashmë kanë pushuar dhe rënie gurësh ka pasur vetëm në Elbasan-Rrogozhinë.
Edhe në këtë aks është ndërhyrë menjëherë duke bërë pastrimin e plotë.
Të gjitha akset janë të kalueshme dhe pa probleme për qarkullimin rrugor.
“Reshjet e shiut dhe të borës kanë pushuar duke sjellë një përmirësim të gjendjes së akseve.
Në segmentin rrugor Elbasan-Rrogozhinë (Paulesh) ka pasur rënie gurësh, janë marrë masa menjëherë nga grupi i punës dhe është bërë pastrimi i plotë i aksit.
Vazhdon puna për mirëmbajtjen rutinë.
Nuk ka probleme me qarkullimin në të gjitha akset kryesore”, thuhet në njoftimin e ARRSH-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
