Policia e Vlorës ka vënë në pranga një shtetas, i cili ishte shpallur në kërkim nga Gjykata e Leçes në Itali.
Policia e Vlorës thotë se në pranga është vënë 39-vjeçari me inicialet P. N.
“Në vijim të punës për kapjen e personave të shpallur në kërkim kombëtar e ndërkombëtar, si rezultat i shkëmbimit të vazhdueshëm të informacioneve me ZQK Interpol Tirana, u bë e mundur kapja dhe ndalimi i shtetasit P. N., 39 vjeç, banues në Dukat të Vlorës”, thuhet në njoftimin e policisë.
Ky shtetas ishte shpallur në kërkim ndërkombëtar, pasi Gjykata e Leçes, i ka caktuar urdhër-arresti për veprat penale “Organizatë kriminale” dhe “Trafikim i lëndëve narkotike”, për të cilat maksimumi i dënimit është 20 vite.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
