Autoriteti Rrugor Shqiptar ka njoftuar se qarkullimi në të gjitha rrugët e vendit vijon normalisht.
“Gjatë natës ka pasur reshje bore në qarkun e Kukësit dhe të Tropojës është punuar për pastrimin e rrugës dhe shpërndarjen e kripës, qarkullimi vazhdon normalisht”, njofton ARRSH.
Po ashtu mësohet se në aksin Elbasan-Librazhd ka pasur probleme, por qarkullimi bëhet me dy kalime.
“Po punohet me mjete e punëtorë në aksin Elbasan-Librazhd pasi ka rënie të inerteve në rrugë, qarkullimi bëhet me dy kalime”, thuhet ndër të tjera në njoftim.
Ndërkohë që po punohet në Berat-Çorovodë, në segmentin Strelcë-Moglicë, por pa sjellë probleme me qarkullimin.
Nga ana tjetër IGJEUM njofton se gjatë ditës së sotme parashikohen reshje të dendura shiu që do të sjellin përmbytje dhe rrëshqitje të dherave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
