Djali i Përparim Ademit, autorit të vrasjes së dy motrave, Kristina Bardhi dhe Zhaneta Metani, është kërcënuar pasditen e djeshme me jetë.
Mësohet se në telefonin e djalit Kristo Ademi ka ardhur një mesazh kërcënues në rrjetet sociale nga një profil që i thoshte se do e vriste.
21-vjeçari ka bërë kallëzim në komisariatin nr.2 dhe Policia po punon për të identifikuar autorin e mesazhit kërcënues.
Më 31 dhjetor të vitit 2020, Përparim Ademi vrau dy motrat Bardhi dhe Metani me të cilat prej kohësh kishte lidhje, madje ka dyshime të forta se i shfrytëzonte për prostitucion kurse familjarët e motrave kanë dëshmuar se Ademi me motrat mund të kenë pasur rreth 10 fëmijë që i kanë trafikuar, kryesisht në Selanik të Greqisë.
Ademi vetë ishte i martuar me një tjetër grua, që kishte dijeni për lidhjen me dy motrat që përfunduan të vrara nga 59-vjeçari, pasi njëra prej tyre kishte një lidhje tjetër që Përparim Ademi nuk e dëshironte.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
