Shërbimi për Çështjet e Brendshme dhe Ankesat pezulloi dy efektivë policie, emrat e të cilëve nuk bëhen të ditur, pasi pak ditë më parë iu arratis një person i ndaluar me armë.
Dy efektivët e Policisë po shoqëronin 30-vjeçarin Rilian Lala në momentin kur ky i fundit arriti që t’ia mbathte nga komisariati.
Të dy efektivet janë pezulluar nga detyra deri në përfundimin e hetimeve për rastin
Ndërkohë, dje Gjykata e Tiranës caktoi masën e sigurisë “arrest në burg” për Rilian Lalën, i cili u arratis nga komisariati pak minuta përpara se të jepej vendimi i gjykatës.
Rilian Lala u arratis nga Komisariati nr. 1, në kryeqytet. Masa ndaj Lalës u dha për akuzën e “armëmbajtjes pa leje”.
Ai u arrestua në zonën e “Ali Demit”, teksa kishte një pistoletë pa leje me vete.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
