Një ngjarje e rëndë është regjistruar sot në një fshat të Kuçovës, ku një person ka mbetur i vrarë me armë zjarri.
Krimi ndodhi mëngjesin e sotëm në oborrin e një lokali në liqenin e fshatit Goraj.
Policia bën me dije se një 44-vjeçar ka vrarë me armë zjarri, për motive të dobëta, 41-vjeçarin Ajet Guneli, pasi kishte debate të vazhdueshme dhe pretendonte se ai e ofendonte përditë.
Policia thotë se 44-vjeçari Vangjel Polovina është vënë në pranga. Gjithashtu, shërbimet e Policisë kanë sekuestruar në cilësinë e provës materiale automjetin tip furgon me të cilin autori tentoi të largohej, si dhe armën e zjarrit kallashnikov me të cilën dyshohet se ka kryer krimin.
Sipas policisë, viktima i kishte dhënë me qira një stallë derrash autorit të dyshuar, ndërsa për këtë fakt dhe kishin pasur konflikte, duke çuar në krimin e rëndë.
Grupi hetimor, nën drejtimin e Prokurorisë, ndodhet në vendngjarje dhe vijon puna për sqarimin e plotë të rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
