Prokuroria e Posaçme kundër Korrupsionit dhe Krimit të Organizuar ka kërkuar konfiskimin e pasurisë ndaj të hetuarve për dosjen “Toyota Yaris”. SPAK ka paraqitur kërkesën për konfiskimin e pasurive ndaj të hetuarve Klevi Cani, Edi Lika, Alban Mollaymeri, Elvis Vladi dhe Alfred Vladi.
Në kërkesën e SPAK-ut, drejtuar Gjykatës së Posaçme të Shkallës së Parë për Korrupsionin dhe Krimin e Organizuar, kërkohet konfiskimi i këtyre pasurive:
-Vlerat monetare 3,432.130 euro dhe 80,000 franga zvicerane. -Një godinë banimi dy kate me sipërfaqe kati përdhe 147.6 m2, kati parë me sipërfaqe 158.5 m2 dhe truall me sipërfaqe 404 m2, mbi të cilin është ndërtuar objekti, e ndodhur në Njësinë Administrative Nr.11, Tiranë. -Pronë e paluajtshme e llojit Ranishte me sipërfaqe 140 m2, e ndodhur në fshatin Draç–Ishëm në Gjirin e Lalzit, Durrës. -Pronë e paluajtshme e llojit Toke Arë me sipërfaqe 873 m2, e ndodhur në fshatin Draç–Ishëm në Gjirin e Lalzit, Durrës.
Kërkesa e SPAK-ut vjen pas përfundimit të verifikimeve pasurore për parandalimin dhe goditjen e krimit të organizuar, trafikimit, korrupsionit dhe krimeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
