Një zjarr masiv ka shkrumbuar tri lokale në qendër të qytetit të Shkodrës.
Ngjarja ka ndodhur në afërsi të teatrit “Migjeni”.
Zjarri ka rënë rreth orës 3:25 të mëngjesit. Tre lokalet janë djegur totalisht ndërsa nuk ka asnjë person të lënduar.
Ngjitur me lokalet ndodhet një pallat ashensorit i të cilit ka marrë flakë duke e përhapur me pas më shpejtësi tek tri lokalet që u dogjën plotësisht. Sipas hetimeve paraprake dyshohet të ketë qenë vaji i ashensorit shkaku i këtij zjarri.
Ky ashensor shërbente vetëm për një lokal që ndodhet në katin e fundit të pallatit dhe jo për banoret gjë e cila ka bërë qe banesat e pallatit të shpëtojnë pa u djegur. Ne vendngjarje kanë mbërritur forcat zjarrfikëse duke bërë shuarjen e flakëve, ndërsa kanë nisur hetimet për zbardhjen e plotë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
