Në ditën e 21-të të grevës së urisë dy prej grave naftëtare të Ballshit janë dërguar në spital me probleme shëndetësore.
Por, pavarësisht se gjendja e tyre është përkeqësuar, grevistet shprehen të vendosura se nuk do të dalin nga greva derisa të marrin pagat e prapambetura.
Ato shprehen se nuk kanë besim te qeveria, ndërsa kërcënojnë edhe me vetëflijim.
“Nuk dalim nga greva pa marrë rrogat e prapambetura. Mos të na bëjnë presion që të lëmë grevën. Do të bëjmë dhe vetëflijim që të mbetet në histori. Ne duam pagat tona dhe jo lëmosha”, janë shprehur gratë greviste.
Ndër të tjera, ata shprehen se “me këtë heshtje kuptojmë qe qeveria nuk do ta zgjidhi çështjen tonë. Ne jemi për bukën e gojës”, shprehen naftëtaret.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
