Shtyhet seanca në Gjykatën Administrative të Apelit për Sinan Tafajn.
Mësohet se padia e Sinan Tafajt kundër KED do të shqyrtohet të premten në Apelin Adminstrativ.
Shkak për shtyrjen është bërë mungesa e relatores së çështjes, por nuk dihet shkaku i mungesës.
Seanca ishte parashikuar të mbahej sot në orën 14:30 por palët janë njoftuar paraprakisht.
Tafaj ka paditur KED që e skualifikoi nga gara për Gjykatën Kushtetuese.
Sinan Tafaj pretendon se po diskriminohet për shkak se është i verbër. Prej ditësh, Apeli Administrativ po shqyrton vetëm çështje emergjente pasi një pjesë e administratës gjyqësore dhe gjyqtarë janë të prekur nga Covid-19.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
