Policia e Tiranës vijon operacionet për parandalimin dhe goditjen e veprimtarisë kriminale në fushën e narkotikëve.
Gjatë një aksioni të fundit të koduar “Stacioni i fundit”, policia ka sekuestruar dhjetëra doza me lëndë narkotike kokainë, një sasi me lëndë narkotike cannabis sativa, shuma të ndryshme parash, 2 peshore elektronike dhe 4 aparate celular.
Gjithashtu, është vënë në pranga poseduesi dhe shpërndarësi i lëndës narkotike.
Policia thotë se është vënë në pranga shtetasi A. H., 47 vjeç, banues në Tiranë, poseduesi i lëndës narkotike.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
