Policia e Vlorës ka arrestuar një 35-vjeçare, pasi ka dhunuar dhe përndjekur ish-partnerin e saj.
Sipas të dhënave zyrtare nga specialistët për Hetimin e Krimit në Komisariatin e Policisë Vlorë është arrestuar në flagrancë shtetasja A. Ç., 35 vjeçe, banuese në Vlorë.
Një ditë më parë 35-vjeçarja ka ushtruar dhunë fizike, ka përndjekur ish-bashkëjetuesin e saj dhe i ka thyer atij telefonin.
Ndërkohë, Policia e Vlorës ka arrestuar në flagrancë edhe shtetasin S. D., 30 vjeç, banues në Vlorë, pasi më datë 26 tetor ka ushtruar dhunë fizike ndaj ish-bashkëshortes së tij.
Materialet iu referuan Prokurorisë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
