.png)
Një aksident ka ndodhur mëngjesin e sotëm në Vlorë, ku një makinë përplas për vdekje një të moshuar.
Mësohet se aksidenti ka ndodhur rreth orës 07:50, në lagjen “Ujë i Ftohtë”, në rrugën dytësore të Lungomares ku një automjet tip “BMW” ka përplasur një të moshuar me biçikletë, i cili ka ndërruar jetë.
Viktima po ecte në këmbë, teksa mbi biçikletë kishte vendosur qeset e pazareve.
I moshuari që është dërguar në spital në gjendje të rëndë, por nuk mundi t’u mbijetonte plagëve është 75-vjeçari Qemal Lamani.
Policia ka shoqëruar drejtuesin e mjetit, shtetasin K.I., 35 vjeç, banues në Vlorë.
Grupi hetimor po kryen veprimet e mëtejshme në lidhje me aksidentin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
