.png)
Gjenden dy armë zjarri në klinikën private në Tiranë ku kurohej Eduart Lamaj, autori i vrasjes së dyfishtë në Kurbin. Dyshohet që të jenë përdorur në vrasjen e Bujar Likës dhe Paulin Gjergjit në Laç.
Policia njofton se gjatë krehjes së zonës në spitalin privat, në Qytetin Studenti ku u mjekua ilegalisht Eduart Lamaj, i akuzuar si ekzekutori, ka gjetur të fshehura pak metra më larg, në një pusetë 2 pistoletat.
Gjykata e Kurbinit vendosi masën e sigurisë “Arrest me burg” për Eduart Lamaj, autorin e vrasjes së Paulin Gjergjit dhe Bujar Likës më 30 maj. Dy mjekët që e operuan Viktor Marku dhe Besim Lama u arrestuan dhe ndodhen në burg për moskallëzim krimi dhe pengim të zbardhjes së vërtetës.
Ndërkohë që në kërkim janë 33- vjeçari Ilir Xhepaj (Likaj), personazh i njohur për drejtësinë, 31- vjeçari Elson (Oltion) Alija (Vlashi) dhe 21-vjeçari Klaudio Perkola.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
