.png)
Një fotograf amator kapi në pyjet e mbrojtura të Borneos në Indonezi këtë imazh; një orangutang që i shtrin dorën për ndihmë një njeriu në vështirësi.
Personi që ka rënë në ujë është punonjës i parkut të mbrojtur, që njëkohësisht është edhe shtëpia e orangutangut. Ai ishte sinjalizuar për një gjarpër të rrezikshëm për popullsinë e majmunëve dhe i pajisur me veshjen përkatëse po e kërkonte nëpër moçal.
Por, krejt papritur një orangutang i afrohet dhe i zgjat dorën, sikur donte ta ndihmonte që të dilte prej andej pasi ishte e rrezikshme.
“Kur vdes humanizmi mes njerëzve, kafshët na vijnë në ndihmë për të mos harruar parimet tona”, shkruan krahas fotos të postuar në rrjetet sociale autori i kësaj fotoje, Anil Prabhakar.
Megjithatë, për ekspertët është e paqartë nëse në momentin e shtrirjes së dorës orangutangu po i ofronte ndihmë, apo po i kërkonte ushqim. Çfarëdo që të ketë qenë në mendjen e majmunit, fotoja e shkrepur nga Prabhakar mbetet e goditur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
