.png)
Qendra e Botimeve Zyrtare publikon vendimet e Parlamentit për zgjedhjen e dy anëtareve të Gjykatës Kushtetuese, Elsa Toska dhe Fjona Papajorgji. Fletorja zyrtare mban datën e sotme dhe se në të janë pasqyruar vendimet e Toskës dhe të Papajorgjit. Pas këtij akti të botuar në Fletoren Zyrtare, duhet që të dy anëtarët e rinj të zgjedhur nga Parlamenti të betohen përpara Presidentit. Kjo është e parashikuar në ligjin “Për funksionimin e organizimin e Gjykatës Kushtetuese”.
Ndërsa QBZ, një institucion që varet nga ministria e Drejtësisë, ka botuar vendimet e Parlamentit, akoma nuk ka publikuar dekretin e presidentit Meta për dekretimin e Marsida Xhaferllarit si anëtare të Gjykatës Kushtetuese. Ende nuk dihet nëse dekreti i Xhaferllarrit mund të ketë edhe fatin e dekretit të presidentit Meta për anulimin e zgjedhjeve të 30 qershorit, që nuk u botua kurrë nga QBZ-ja në Fletoren Zyrtare. Ndërkaq po në Fletoren Zyrtare si rrallë herë është botuar edhe vendimi i KED-së ku përcakton listën e pikëzimit të kandidatëve për anëtarë të Gjykatës Kushtetuese, ku renditet e para Arta Vorpsi, duke e shpallur automatikisht kështu edhe anëtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
