Drejtuesja e Prokurorisë së Tiranës, Elisabeta Imeraj është në listën e pritjes së subjekteve të vettingut. Por, ende pa dalë në seancën e parë dëgjimore përpara Komisionit të Pavarur të Kualifkimit procesi i rivlerësimit i ka dhënë pasojat për të.
Vettingu është bërë shkak që Imeraj, që para se të merrte drejtimin e Prokurorisë së Tiranës ka qenë pjesë e Prokurorisë për Krimet e Rënda dh e grupit të prokurorëve që kërkuan arrestimin e Saimir Tahirit, të kërkojë divorcin nga bashkëshorti i saj, Agron Bajri.
Kërkesa është dorëzuar në Gjykatën e Tiranës më 24 tetor dhe arsyet se përse prokurorja kërkon divorcin nga bashkëshorti, me të cilin ka dy fëmijë lidhet drejtpërdrejtë me vettingun. Bashkëshorti i Imerajt, Agron Bajri është përplasur verbalisht me Genta Tafa Bungon, anëtare të trupës së Komisionit të Pavarur të Kualifikimit, që në shortin e hedhur do të vlerësojë Elisabeta Imerajn për pasurinë, integritetin dhe aftësitë profesionale.
Vetë Elisabeta Imeraj thotë në kërkesën për divorc se bashkëshorti ja ka mbajtur të fshehtë këtë fakt, duke i vënë në rrezik karrierën në sistemin e drejtësisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
