Pentagoni publikon pamjet e para të bastisjes që çuan në vrasjen e liderit të ISIS, Abu Bakr al-Bagdadi. Videoja e shpërndarë në “Twitter” nga “Us Central Command” tregon forcat amerikane që i afroheshin kompleksit. Për më tepër, shihen luftëtarët, të cilët “nga dy lokacione pranë kompleksit hapin zjarr ndaj njërit prej aeroplanëve amerikanë që marrin pjesë në sulm”, është shprehur gjeneral Frank McKenzie, kreu i Komandës Qendrore të SHBA.
Në mesin e fotove të paraqitura nga gjenerali shihet “i pari” dhe “pas” sulmit amerikan të kompleksit ku fshihej udhëheqësi terrorist.
“Kur kapja nga forcat amerikane ishte afër, Bagdadi ka bërë që të shpërthejë një bombë dhe vrau veten dhe dy fëmijë”, tha McKenzie, duke përsëritur dinamikën që tashmë ishte ilustruar nga Presidenti Trump në deklaratën e tij të dielën, më 27 tetor.
McKenzie gjithashtu tha që analiza e ADN-së konfirmoi “përtej dyshimit” se njeriu që vdiq në sulm është al-Bagdadi.
Ai foli për “një korrespodencë të drejtpërdrejtë” që “prodhoi një nivel” shumë të lartë “të sigurisë se mbetjet ishin të al-Bagdadit”.
Sa i përket varrosjes, gjenerali konfirmoi se “ai u varros në det në përputhje me ligjin e konflikteve të armatosura brenda 24 orëve nga vdekja e tij”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.