Pas situatës së krijuar nga lëkundjet e forta të tërmeteve gjatë fundjavës në vendin tonë, Ambasada e Shteteve të Bashkuara do të zhvillojë një ushtrim stërvitor për reagimin në rast tërmeti.
Sipas tyre është pjesë e ushtrimeve stërvitore që zhvillojnë gjatë vitit.
“Ambasada e Shteteve të Bashkuara do të zhvillojë një ushtrim stërvitor për reagimin në rast tërmeti. Ai është pjesë e ushtrimeve stërvitore që zhvillojmë përgjatë vitit”, thuhet në njoftimin e ambasadës amerikane.
Shqipëria u shkund pasditen e së shtunës nga tërmeti i magnitudës 5.8 të shkallës Rihter me epiqendër në detin Adriatik. Ai e kishte epiqendrën 13 km në veri të Durrësit, por u ndje në të gjithë qytetet e vendit.
Ndërkohë, qytetarët kanë nxituar të dalin nga banesat për të parandaluar ndonjë rrezik të mundshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
