Mbillnin prej muajsh të tërë kanabis në zonën malore të Toplanës, në Shkodër, por tre vëllezër kanë rënë në prangat e policisë pas një serie përgjimesh.
Të arrestuarit, sipas njoftimit të policisë, janë K.S., 33 vjeç; D.S., 26 vjeç dhe L.S., 35 vjeç, të tre banues në fshatin Toplanë.
Tre vëllezërit në bashkëpunim me njëri-tjetrin dhe duke përfituar nga terreni i vështirë dhe tepër i thyer malor kultivonin bimë narkotike kanabisi në zonën e Toplanës në Vaun Dejës dhe në zonën e Iballës, Pukë, mbi Liqenin e Komanit.
Ata janë arrestuar në saj të operacionit të koduar “Brebulla”, ku nga informacionet e marra policia i ka hetuar për tre muaj dhe më pas i ka arrestuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
