.png)
Ish-drejtorja e Autoritetit Rrugor Shqiptar ka marrë mbështetjen e parë nga zv.ministri i Mbrojtjes, Petro Koçi.
Në postimin ku Sonila Qato njoftoi vendimin e saj për t’u dorëhequr pas padisë së bërë kundër saj nga kompania “Gjoka”, Petro Koçi ka lënë një koment të shkurtër, që në dukje e rendit në krah të Qatos, por që mund të marrë dy interpretime sa i takon vendimit të saj për t’u larguar.
“Oligarkisë i duhet rezistuar”, shkruan Petro Koçi.
A po mbështet Petro Koçi me këtë fjali Sonila Qaton në betejën ligjore që ka tashmë me “Gjoka Konstruksion”, apo po qorton dorëheqjen e saj, duke nënkuptuar se duhet të qëndronte në detyrë për t’i qëndruar përballë kësaj kompania?
Kësaj pyetjeje vetëm Petro Koçi mund t’i japë përgjigje, por e sigurtë është që me termin e opozitës, pra “oligark”, zv.ministri i Mbrojtjes, pjesë e kabinetit të Ramës i drejtohet drejtpërdrejtë kompanisë “Gjoka”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
