.png)
Kryeministri Rama ka dalë në mbështetje të ekipit Kombëtar para ndeshjes shumë të rëndësishme me Islandën. Rama ka bërë sot një vizitë në kompleksin “Tropikal”, aty ku ekipi zhvilloi përgatitjet e fundit para ndeshjes së sotme.
Mësohet se Rama ka takuar të gjithë lojtarët dhe stafin drejtues, duke i shprehur atyre besim dhe i motivuar ata për një rezultat pozitiv.
Këtë vizitë të tij pranë ekipit kombëtar, Rama e ka shpërndarë edhe në rrjetet sociale, ku shkruan: “Kur fitojnë mbajnë radhë të të tregojnë sa të duan, kur humbet e ke ti radhën t’u tregosh se sa vlen”
Ky takim i Ramës me futbollistët e Kombëtares vjen pas një statusi kritik të presidentit të FSHF, Armand Duka, i cili kërkoi mbështetje për ekipin edhe në këto momente të vështira. Gjithashtu më herët gjatë ditës së sotme mesazhe inkurajuese dha edhe Presidenti, Ilir Meta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
